BLOG

• 上一個BLOG |
• 下一個BLOG |
• 全部

• 我和小琳有個約會

  2008-09-08 12:11AM / 標準BLOG / 會員可以看
  3個評論

  呢一日我真係好開心因為我認識左妳－小琳．一直都有睇你既ｂｌｏｇ一路都知道你在抗癌路上同生活中所遇到既一點一滴．．．你對生命既熱誠．樂觀既性格，永不放棄既精神真係感動同鼓勵到好多人．包括左我！！

  真係冇諗過有機會同你見面，好多謝你抽空出黎同我傾計．．能夠認識到你同你成為朋友我覺得都係一種緣份＾＾同你同大家姐仲有小ｐ係ｃａｆｅ傾計傾左足足３個鐘頭，講工作，講愛情，講朋友，講家人，甚至講到人生觀．．．．無所不談．．我真係好欣賞你．雖然你人生路上有一個好大既考驗但係你不但冇逃避，反而好勇敢去面對．．你真係好堅強真係好叻叻呀～知道你既病令到你好辛苦，成日都唔舒服．．但係呢日見到你個樣都好精神我都好開心～

  仲有原來我地大家好多地方都好相似呢，尤其對家人講既對白有９成似ｔｉｍ～好神奇呀～哈哈哈

  仲有好好人做護士既大家姐．．．．好開心你竟然有買我本書呀．好多謝你既支持呀～

  小琳，好多謝你送左你本書俾我，我用左一晚既時間睇晒啦，了解左你好多，我一路睇一路喊，可能因為我認識左你，所以有感受特別深，當睇到你治療期間所遇到既痛，我亦覺得好心痛，睇呢本書都令我有所得著，有時我總會為左好少事唔開心俾好大壓力自己，甚至對好多野都太執著．睇得太重．其實做人最緊要活得開心，活得精彩～～

  好鐘意你講既一句「在地球的另一端，甚至香港的另一端，都有著不同的人正在受苦，正在面對嚴峻的困難，所以你並不孤獨。」

  小琳～你一定要加油呀，大家都要為自己而堅持．．我們都是打不倒的．．我會一直係你身邊支持你架，最後．．多謝你呀～～

  希望大家都可以支持佢，睇完佢呢本書可能會令你睇人生既看法有所改變架，呢個係佢既ｂｌｏｇ．http://hk.myblog.yahoo.com/siulamtang

  最後發現左一張好搞笑既相．．，哈哈呢個時候我地應該兩個都睇返影完既相吧．．但係我地既表情竟然好一致好搞笑呀哈哈哈哈哈～～