BLOG

• 上一個BLOG |
• 下一個BLOG |
• 全部

• 終於up blog喇！！！！

  2008-07-16 10:34PM / 標準BLOG / 會員可以看
  6個評論

  真係好對唔住呀～～好耐無up blog喇～睇到你地九百幾個就黎接近一千既留言～我係覺得好愧對大家～因為之前都一直忙緊拍攝電視劇同埋我第一本新書＜零距離＞~仲有每一日都花好多時間去排舞錄音~所以都無時間上黎update~但係而家樣樣工作都總算完成左一大半喇~所以就即刻同大家報告下我既近況啦!!!!

  今日朝早六點鐘就起身lu~因為今日我同左森美、朱薰e、leo同埋美妮為<東張西望>去左南丫島拍攝玩水上活動~真係好開心呀~今年暑假第一次出海~最鍾意陽光與海灘~有好多好好玩既水上活動~真係寓工作於娛樂!!不過我返屋企之後就發現我既膚色「逐漸變黑又得,立即變黑亦得~得左!」(對唔住, 好似有啲爛!!哈哈哈哈!!!)

  
  向南丫島出發！yeah~~~~~
  
  
  <學警>由三月尾到而家已經拍攝左三個幾月喇!今次第一次拍電視劇既我真好獲益良多~因為今次所有台前幕後既人都非常之照顧我~~每一日返電視城好似上堂咁~我真係好多謝海味、三哥、ron、鍵鋒、嘉琪、所有既演員,導演、編劇同埋監製聲哥~今次學警既劇本真係俾到我好大既挑戰..大家都俾好好機會我真係好感激呀!!我地成班演員相處得好融洽~雖然拍攝時間好長~但係每一日知道會見到佢哋~我都唔覺得辛苦~因為每日一班人都係歡笑聲渡過~唔知點拍完呢部電視劇之後會有一種突然間好唔習慣既感覺~~

  而家每次入到電視城都好似有種好熟悉既感覺!!好似返返去自己既家咁,當時拍完睇住11廠入面悠悠<即係我劇中既名字>家拆落黎既時候真係有一種好唔捨得既感覺~~!!!!希望有機會再同成班演員合作多謝大家~
  
  之前同左海媚同嘉琪去左食俄羅斯野~好好味呀!!!個大廚仲即場火燒大蝦~~巴閉巴閉~~~哈哈~

  你地送俾我既相呀!!你地真係好窩心呀!!真係估你地唔到呀!!好勁呀~可以將所有既合照合併埋一齊不過我要用放大鏡去睇呀!哈哈~~多謝你地呀!!又一個好好既回憶啦...

  經過左9日既地獄式排練,係日前終於都正式拍我第一首既快歌<第一眼>啦~雖然排既時候真係好累好累對於咁多年都冇再接觸舞蹈既我黎講真係有好大既難度~每日幾小時不停跳跳跳.我連夢境都不停跳.........快要瘋了~但係我要好感激我既地獄教練傑仔,佢既要求真係好高好高亦好嚴格但係佢真係好有心機去教好我...拍完mv回想返呢一切都覺得好值得~~~~仲要多謝一班幫我跳舞既dancers們....多謝晒各位兄弟們!!!!!!!!!

  
  不停NG咁跳跳到瘋了~~@@
  
  
  拉筋SSSSSSS!!!!!!!!!!!
  
  
  <第一眼>~希望大家多多支持啦~~~MISS MISS~~