21/11/2008

 

文： 名人組


吳彥祖早前被拍得與舒淇密會，與拍拖多年的Lisa S.戀情凍過水！不過，前晚他與Lisa拍拖出席公開活動，以行動闢謠！Lisa繼續維護男友，並以正印女友身份說：「我唔會介意！」

月前吳彥祖（Daniel）被踢爆在台灣密會林熙蕾後，早前又被拍得與舒淇約會，正印女友Lisa S.再次高調撐男友，兩人前晚手拖手出席Louis Vuitton在專門店舉行的《Simon Birch：Out of the Darkness》作品展覽，並雙雙接受訪問，粉碎情變傳聞！其他嘉賓還有Lisa的好友Ana R.、康虞茱迪、馬詩慧、陳斯允和夏永康等。

舒淇並非第三者
Daniel被問到與舒淇密會一事時，一臉不悅地說：「我知！咁又點呀？」他亦不忙為舒淇澄清：「佢唔係第三者！我拍第一部戲就同佢合作，大家識好多年！」並強調女友不會介意，在旁的Lisa即插嘴說：「我唔會介意，我有男性朋友，Daniel有女性朋友，唔係大問題！」

再問Daniel先後被拍得與兩女星密會，日後會否避忌些，他說：「唔可以因為驚畀人影而影響自己私生活，如果係咁，咪冇晒女性朋友，咁係唔Make Sense。（無奈？）唔覺，係咁！咁佢（指記者）鍾意玩呢遊戲，咪畀佢玩囉！」談到與Lisa的感情狀況，Daniel「」了一聲才說：「好穩定！如果唔係我都唔會翹手出！」至於兩人何時拉埋天窗，Daniel表示四十歲前會結婚。