2008年第一個8號風球~~~

今朝，依舊鬧鍾響起身返工啦！不過當然係第一時間睇下落左風球未，點知未喎！咁就煩啦！之後又訓唔著~~

起身走出廳見到我大細佬，寫左一張A4 size既紙貼左係電視機度：今日紅雨+8號風球！《唔駛叫我起身返學！》我睇到真係笑左一笑比佢激死！平時又唔見你第一時間起身返學，而家又一早起左身睇新聞！望出窗好大風！窗外既樹吹到好似打入屋咁，我屋企係對住一個公園，d樹生得好高！

跟住我就返入房，又訓唔著就睇下漫畫書！一路睇就一路上網睇住個電腦，驚一陣取消左8號風球就要返工啦！7:50am起左身，8:00....9:00....10:00...過去了....唸唸下都係去訓陣先！點知11:30媽咪敲門問我，你駛唔駛返工呀！即刻彈起身睇下個電腦，死變左3號要返工啦！又未食野.....11:15取消即係1:15前要返到公司啦！開始心急啦~~亞媽問去唔去飲茶，我話陣間去到又等位就死火啦！好快手地換衫...亞媽第一時間同老豆去左搵位！我一去到唔理即刻叫野食，食完即走12:30...返到公司12:45，有d同事返左！

一路做野出面就勁大風、大雨！好彩放工媽咪車我走！當然5點正就走人啦！