发冷又发热

       刚才头有点重，又全身涂了消疲劳的安美露觉得成身发冷，盖头大睡依然成身打冷颤。平安夜一个人煲粥，虽然食左两大碗但好快又饿。系床上又冷又饿，突然觉得自己好似卖火柴的小女孩咁可怜。跟住脑海不断想起美食，想起肇庆香江大酒店嘅风味三杯大肠、绿茶炸汤圆，龙泉海鲜酒家嘅芝士焗番薯，佳佳狗肉羊肉，顺天游雀仔饭，蚝王烧生蚝，某朋友带我去到无雷公咁远不知名山顶食嘅烧春鸡、香浓药材煲花生鸡脚，牌坊星岩伴溪三岔口处搭棚而起嘅农家菜焖鹅、炒黄鳝，披云楼的臭豆腐，西体的煎猪肠粉，珍宝楼嘅北京烤鸭，荷花馆嘅拔丝鸡蛋，富兴嘅QQ酥，皇朝饼家嘅贝壳蛋糕，广州的久久丫、水煮鱼、小肥羊、大头虾越南菜、清平鸡、萨莉亚的蜗牛与鸡扒、37°2披萨……越谂越饿。谂下谂下竟然全身发热仲出汗，记起屋企仲有薯仔同番薯，即时就弹起身打算炸薯条同番薯饼。好彩菲菲系饭堂买左包翻来，懒得动手搞咁大工程炸薯条薯饼，食左两个包食埋今晚未食完仲有一大碗嘅瑶柱粥。现在总算体温正常头脑清晰点了。