glowworm
2007-05-11 7:16PM / 標準BLOG
/ 會員可以看
人成日都強調“人性”，但係點先算係“人性”呢？
前幾日我聽咗個故仔，係關于一種會發光0既蟲 － glowworm.
glowworm 同一般蟲仔一樣，蟲生有四個stages，分別係卵、幼蟲、解繭同埋變成成蟲。話佢地係會發光0既蟲但係又唔叫佢做螢火蟲，係因為螢火蟲成蟲果陣會發出淡黃色0既光，而我講0既呢種蟲係喺幼蟲時期先識發紫藍色0既光，兼且佢可以喺佢自己0既周圍織網，想象下蜘蛛網，應該喺差唔多樣，不過絲要再細d，網要再細d。咁佢就可以獵得自己0既糧食，自力更生。（我熄曬房d燈，望住我天花板上面d夜光星星 － 如果d星再細粒d，應該就會似果d glowworm啦，好浪漫啊。）到咗蟲仔去到成蟲期，佢就要進行自己0既三天死亡倒數。因為佢個嘴已經退化，不能夠進食，鍳生餓死。咁樣呢種生物變成成蟲0既目的喺？！唉，咪係為咗交配，繁殖下一代囖！
唔好“哇”住啊！仲有啊，佢地0既成蟲係完成交配任務後，臨死前，會飛撲返去佢地0既幼蟲0既網上面，成為幼蟲0既食量。glowworm 由頭到尾都係喺度為下一代奉獻，呢種蟲性又係唔係人性可以相比較0既呢？有時係報紙上面睇到果d乜嘢父母去旅遊將其子女關在大門與鐵閘中間啊，虐兒啊，真係我未有耐為人母都為呢種父母而汗顔啊！！
今個星期日就係母親節啦，祝我偉大0既爸爸媽媽，爺爺嫲嫲，公公婆婆日日快樂，身體健康！萬歲！
BLOG評論