在這裏的第一篇Blog

最近一年來才寫 Blog，作為自己生活的一些摘要，但實在是懶 / 忙得緊要。如果話最起碼一日一Post 先算得上 Active Blogger (有些統計定義為一日三 Post)，咁好明顯我係植物人：對上一篇要「追溯」至五月！較這篇文章舊的 Post 是由我另一個 Blog 載入充撐場面。

既然有 Facebook 都唔經常用... 點解要寫Blog係另一個問題！點都要俾自己一啲借口。

好，簡單歸類：

我有一個好私人的 Blog，係將自己未「成型」的 Idea/Draft/Sketch 做一個平台，等於自己本Sketch Book, 名為 Playground。

一個較學術的英文私人Blog，最主要記錄一些未曾/未能「見得人」的Research, 幫自己做記錄。

一個半公開的Blog，寫一些「悶」文章，主要關於藝術簡評/概要，及一些個人思緒。中文夾雜，抱歉。有興趣可以閱讀對上的文章，其實就係這個Blog的舊文。
Blog 的名字叫 Shutenochdownx2，歡迎支持。

仲有 Video Blog 及 Flickr，主要做 Visual Research Record，有興趣可以問我。

咁喺 AliveNotDead 點算？OK, 一些比較生活與創意，用最「舒服」的文字記錄散篇及相片。不過份認真，但求過癮，最緊要希望自己勤力Update，在過分私人的 Facebook 外建立一個「同聲同氣」的平台。