我的BLOG 更多BLOG >
-
帶着非常複雜的心情回到東京!!!
2009-02-12 12:26AM / 會員可以看
我而家身在涉谷!今次返嚟唔係做嘢,唔係工作,係純悴同班friends過嚟玩幾日,shop-shopping,食吓嘢,散散心,同埋過情人節!(係成班friends一齊過!!)再緊接下個禮拜要過嚟日本祕撈做翻譯,所以就咁啱同一班一早已經plan咗嚟東京玩嘅friends夾到時間,預先join埋過嚟玩幾日咁囉!
但係其實自從拍咗「流行東京」之後,我未試過嚟東京「旅行」,嚟親都係拼咗條命咁嚟做嘢,不停咁拍、不停咁行、不停咁諗稿、不停對住個鏡頭食嘢同講嘢、不停咁搵料!生理同心理都長期進入「作戰狀態」!!!行少一步就賺少￥100!每次嚟親都好辛苦、好大壓力!!勞改一樣!!
今次就喺完全無工作壓力底下踏出成田機場,感覺實在好唔慣!!心情異常複雜!!!每次嚟到成田我個腦就會自動轉入working mode,今次應該係holiday mode架!但係我實在太習慣一嚟到就要開工,我實在tune唔返自己去個holiday mode嗰度!!!好慘!!!(相信你地好難明白我而家嘅心情,我諗只有導演Edwin一個人先至會明!) 我漫無目的咁企咗喺涉谷街頭,呆咗好耐!唔洗開工,咁多時間,又咁少銀両,啲Yen又升到咁貴,做咩好呢?好好好迷恾...
我今日喺酒店瞓到下午5點幾先起身,(放假梗係喪瞓架啦!)班friends就一早出晒去行街嘞!我一向都唔鐘意行太多路,因為平時我喺東京行路,都係為咗工作,都係為咗拍多啲好嘢比觀眾睇,我先至焗住係咁行咋!今次係嚟放假,我梗係唔會比自己出盡力咁行啦!結果我一條友走落街,去藥房買吓我用開嗰幾隻藥,補給吓香港屋企擺藥嗰個櫃筒,之後,就唔知行去邊好嘞!結果,又一條友走入間cafe度歎返杯咖啡食件cheese cake,等班friends玩完返嚟一齊食晚飯!一條友喺東京無嘢做,好無聊,好恾然...時間過得好慢好慢...都唔知做乜好!?!我發覺經過咁多年而嚟「流行東京」喺我內心深處種下嗰種强烈嘅恐佈工作壓力陰影,原來我係唔適合嚟東京「旅行」嘅,我只適合嚟開工架啫!!真係慘!!!原來「流行東京」個主持係唔識喺東京「放假」嘅,你地話幾諷刺吖?!?!?!! hahahahaa......
我住間酒店房對到正109! (係呀,個頭染返黑啦!過完年啦嘛!)
酒店房望出去,就係當日拍「流行東京」拍到暈咗喺條街度嗰個涉谷駐名大十字路口嘞!!「希虛希虛....」
呢間酒店房比起我平時住開嗰間宿舍大好多!一個人瞓張King size bed嚟架! (價錢就當然貴好多啦!)
明明係嚟旅行,結果成副「裝備」好似同過嚟開工無乜分別!! (尤其係心情!)
戰利品--- 一大堆平時食開嘅藥,同日常用品!我覺得我似返鄉下多過去旅行!!
我另願快啲喺日本開工好過嘞!!!呢啲咪叫爛命一條,辛苦命囉! 麻煩阿上頭快啲比啲指示我吖,唔該!!
PS: 上期FIND ME迷底: 第一張Young Post: 最底嗰行,中間向前跑緊嗰個豆丁!
第2張: 中間嗰行,左手邊數過嚟第2個!! (呢張連我自己都搵唔到,要左手邊拖住 我嗰位, my best friend Judy,話返比我知我先睇到!!) 真係咸豊年嘅歷史嘞!!
-
Find me!!!
2009-02-07 11:05AM / 會員可以看
Sorry guys and girls, I haven't updated my blog lately.... beccoz... i was really sick!! 我病到連打開部電腦嘅力都無呀!! This is the Chinese New Year "After-Party-Side-Effect". I call this virus APSE! It happens to me very often after all the big days, like Christmas, New Years Eve, Holloween....etc.. So, don't worry!! I got very used to have this APSE virus attacking me many times every year! And i am getting much better now! so dun worry... just remember : Work Hard, PLAY HARDER!! But I played the HARDEST!!! heeheehee....
Ok, let me show u a super old newspaper.....(thanks for my best friend Judy tagging me this post in facebook!)
NOW, FIND ME!!! (and if you also know Judy, find her too!)
Can you find me??!!
This "Young Post" is from 1985!!估唔到我細細個仲紅過而家!!hahhaa...嗱,大家唔好再問我幾多歲啦!我「豆丁」咁細嘅時候已經喺太古城個溜冰場度跑嚟跑去嘞,咁你自己計吓啦!總之我一啲都唔細啦! (係呀,我日日喺屋企食防腐劑架!!) hahahhahaa.....(1985年,可能你都未出世呀!)
但係大家又有冇留意到呢份Young Post個 title叫 「Skates on for JAPAN」呀?!!內文我完全睇唔到,當然我亦更加對咁多年前嘅嘢一啲印象都無啦!!嗰時個腦筍都未生埋(雖然而家都係!),我淨係記得細細個嗰時成日都要溜冰表演同參加溜冰比賽!但係點解係「SKATES ON FOR JAPAN」呢?!!!唔通真係3歲定80?!!上天註定?! (我發誓當年肯定唔識木村拓哉係乜水呀吓!!) 可能我前世有機會係中國嘅抗日戰士或者係慰安婦!所以今世註定要再同日本「死過」!!! hahahha.....我今世要享盡日本嘅榮華富貴、名衣美食.....殺殺殺~~~~~!!!!!
PS: sorry for not replying you guys' 心愛留言 lately, Becoz i was so sick and i really went out of all my energy! Please forgive!! Take care everbody~~~!!!
-
遲來的恭喜發財!!!!!
2009-01-30 3:55PM / 會員可以看
恭喜發財呀~~~~~~~~~~~!!!!!祝各位街坊生生猛猛、强而有力、過關斬將、不勞而獲、中六合彩、唔洗交稅、唔賺齋洗、無本生利、天下無敵、耐人尋味、妙想天開、路不拾遺、干炒牛河、陽州炒飯、星洲炒米、火腿通粉、同埋雪菜火鴨絲炆米!!! (凍啡少甜、楊枝金露加 $5)
我知呢個年拜得遲咗少少...希望大家原諒!因為我呢個新年真係好忙!!!!每年嘅農曆新年係我唯一可以「不勞而獲」嘅搶錢日子!!!為咗利我另願一生都唔嫁!搶錢搶到老!!!
呢期每日不停去親戚朋友嘅屋企拜年利是,攞正版打劫!(我會去埋親戚嘅朋友,同朋友嘅親戚屋企!! hahha.....)加埋今期呢個「大吉大利拜年頭」,簡直「拜」到人地操手不及!! 再加埋「過年四寶」---魚蝦蟹、玩大細、射龍門同打麻雀,直情好賺過正職開工出嗰份糧!!但係為咗嗌隻蝦、嗌隻King、同嗌隻八索...我又嗌到失聲! (no pain, no gain! But in the happiness way! GOOD~~!)
恭喜發財~~~!!!
利是來~~~!!!
呢朵係梁朝偉!
仲有木村拓哉同金城武!!
最後送個「福」比大家!我自己寫嘅!!每年我都有寫幾個福字貼滿全間屋同送比朋友嘅習慣!要多謝熱愛中國文化嘅家母,由我細細個開始就迫我呢個坐唔定、心唔靜嘅人練書法!結果寫得最熟同最好嘅,係個「福」字,同個「悶」字!!! hahaha.... 福到福到!!!!
PS: 喺年廿七(Jan22)、廿八( Jan23)、初四(Jan29)、初五(Jan30)呢4日,小弟幫 RTHK香港電台做咗4日車淑梅姐姐同林超榮哥哥嘅節目「開心日報」嘅「替工嘉賓主持」,跟啲大前輩學吓嘢!有興趣想聽返我地吹啲乜嘢水的話,就請大家上網search返嚟聽啦!!開咪做電台live show原來都好好玩架喎!腦肋急轉彎! I like!!吹水! I love!! 仲非常高興認識咗陳圖安Jacky哥哥呢位同我一拍即合、超級啱channel、超級親切、超級好人、又超級好玩嘅前輩!! 不過唯一最辛苦嘅,就係朝早8:30要起身!!(個節目係10:30am-12noon) 大家都知我一向過住殭屍嘅生活架啦!喺呢4日,每晚瞓得兩粒鐘!好痛苦!但係每日做完個節目嗰一刻,雖然都仲好眼瞓,但係都覺得係值得嘅!又好玩又學到嘢!!
好嘞!最後祝各位街坊,牛年胞參翅肚、滿漢全席、咸魚腐乳西多士~~~!!!!!恭喜恭喜!!!
-
my idol!!!
( english | 简 )2009-01-22 3:12PM / 會員可以看
-
第五元素!!!
2009-01-17 6:27AM / 會員可以看
各位街坊唔好驚...呢個係我嘅新look!唔係假髮,係真髮嚟嘅!!!我趁呢期唔洗出鏡,終於鼓起勇氣染咗呢個我一直都好恨染嘅橙色頭!!自從N年前睇完「The 5th Element第五元素」已經愛上Milla Jovovich 嗰個造型! so.... here i come...!!
我最鐘意呢張!成個 I-D magazine封面咁!! hahhahaa.....
係,無錯!我本住我做人嘅宗旨,一係就唔玩,一玩就要玩到盡!連條眼眉都漂埋!問你死未?!正常嘅觀眾(包括電檢處)應該唔係好接受到我呢個頭!一定會話黑色長髮好睇D...我梗係知啦!但係人一世物一世,想做就去做,反正我唔知我幾時會死!!所以請大家盡情隨便批評我呢個頭有幾過份、有幾唔襯我!我自己就好鐘意同好開心嘞!因為我又了咗我人生中嘅一個心願嘞!!想做就去做,唔好諗咁多,唔好理人點睇!條命係你嘅、個頭係你嘅,最緊要自己開心!!
解答問題時間:
1).個頭總共整咗10個鐘!漂咗2次、上咗3次色、再剪咗3次! 喺Hair Culture整嘅!多謝Heibie!! I'm loving it! 係咪好傷頭髮?!係,不過頭髮隨時生得返駁得返!有乜所謂呢?!
2).唔好話我似Mini,佢係紅色,我係鮮橙色!各有各精彩!我係Leelu Dallas!! (The character of "The 5th Element")
3).個頭會keep幾耐?!一至兩個月啦! 希望keep到要再出鏡唯止啦!呢個直情係「拜年頭」啦!!成盤桔咁行入人地屋企拜年!保證利是都可以多D!!! hahahhaaa.....
4). 以後淨係可以着黑色衫出街,唔係就會變cirque du soleil 嘅小丑架嘞! hahaha....或者搵廁紙包住個身都得!不過太sexy而我又冇身材,所以我唔會咁做!
5). 對高踭鞋好靚?!我梗係知啦!呢對鞋係我呢3年內唯一引到我買嘅高踭鞋!(自從拍咗流行東京之後,我應承過自己唔再買高踭鞋,因為無機會着!)...但係呢對Pierre Hardy,實在令我失守!唔好問我幾錢....貴!
6). 無錯,又一次估我唔到呢?!都係嗰句啦: 咁容易比你估到,我就唔叫杜如風啦!!
「Leelu dallas multi pass multi pass multi pass...!!」 hahhahhaahhaa......
