BLOG
-
聖誕快樂呀~~~~!!!
2008-12-23 6:15AM / 標準BLOG / 會員可以看
( english | 简 )
6個評論我都有成個禮拜無update個blog嘞,原因係----囍!!!!!!!!!!!!!!!!!!!!!!!!!!!!!!!!!!!!!! 大囍事呀!!!
梁漢文同Karen呢一對天生一對嘅碧人實在係同小弟由細玩都大, (係由後生玩都老)但係佢地依然仲係咁相親相愛,真係羡殺旁人呀!而我作為karen個衣櫃裏的女人,亦都老懷安慰,終於等到呢個開心過自己嫁嘅婚禮嘞!!!!!! YEAH~~~~~~
所以上個禮拜由籌備到擺酒嗰日,我作為姊妹團領隊,要打點一齊,務求令佢地有一個完美嘅婚宴,全場跑嚟跑去無停過無食過嘢,仲要踩住對六吋高踭鞋周圍走!(大家可知我係從來都唔會著高踭鞋架啦!!)仲辛苦過拍流行東京呀!!!!
終於禮成嘞!!!大家恭喜梁生梁太!!!!!!!!!
好嘞,轉吓眼,聖誕節就到嘞!!!(咁快又一年啦!!)當然我呢種Party Monster係唔會放過呢D最有得玩嘅節日架啦!!一連串嘅x'mas活動已經安排好晒嘞!所以呢幾日大家都應該盡興D慶祝佳節!(同埋應該搵我唔到架嘞!heehee...)
咁我就喺度預早同大家講聲聖誕快樂!!!祝大家飲到不醉無歸!不醒人事!!!恭喜恭喜!!
由於香港無雪,所以我好有大家心咁特登喺日本帶咗幾個雪人返嚟喺度送比大家!希望你地鐘意我呢份聖誕禮物啦!!!
(其實係當年無線去拍「最美麗的第七天」,我去幫手做製片嘅時候喺高山影嘅,係咪好cute呢?)
好啦,仲有!過埋聖誕----28号你地就見到我架啦!!! YEAH~~~~
喺呢度又要發表一個嚴重聲明: 就係我又突然改變主意啦!!(我「如風」呢個名並唔係浪得虛名架!!haha...)今年聖誕我最想收到嘅禮物就係---聖誕咭!!所以你地如果想送禮物比我嘅話就送christmas card啦!!講真架!裏面要有寫字架!!大家唔覺得寫聖誕咭先係最有心意最窩心架咩?!自從發明咗email同facebook之後,大家都好似忘記咗呢份情懷啦!! no good no good!千祈唔好浪費金錢買D大大件嘅禮物比我呀!一係就送禮或送現款去四川繼續幫我地嘅同胞賑災,我會仲開心!!幫到人,自己又積到福!我保證你仲開心過我!! (我前世應該係押埋層樓去救災嗰D人,今世先咁幸福咋!! heehee...)
OK,越講越長氣嘞....28号見啦!!!嗰日實好凍,話晒郊外地方,大家記住着多件衫嚟燒雞翼呀~~~~~!!!
PS:呀,我最近終於都鼓起勇氣,同埋喺好友葉佩雯嘅極力慫恿下,喺alivenotdead.com開咗個artist page啦!!其實alivenotdead大家庭裏面嗰班一直都有好多自己人,不過我就一直都懶and驚handle唔到2個blog!所以講咗成年一路都唔肯開,直至阿Grace話:「唔怕架,唔洗寫2邊架!佢地會直接幫你transfer yahoo個blog過去架!唔係好麻煩架咋!」結果.............
http://www.alivenotdead.com/helento
大家得閒無嘢做就過去望吓啦!其實blog嘅內容係一樣架咋!(我仲會覆返yahoo呢邊嘅留言多D添!!! 大家放心!!!
heeheeheee......)
所有BLOG 更多BLOG >
-
帶着非常複雜的心情回到東京!!!
2009-02-12 12:26AM (6 個評論)
-
Find me!!!
2009-02-07 11:05AM
-
遲來的恭喜發財!!!!!
2009-01-30 3:55PM (14 個評論)
-
my idol!!!
2009-01-22 3:12PM (3 個評論)
-
第五元素!!!
2009-01-17 6:27AM (10 個評論)
BLOG評論 (6)