~ 2010 世盃特集 ... day 11 ...

~ 2010 世盃特集 ... day 11 ...

G組

葡萄牙 VS 北韓 21/6 19:30

預測：葡萄牙 0 : 0 北韓

葡萄牙 上仗 0 : 0 和 科特迪瓦, 基斯坦奴朗拿度 表現中規中矩, 最精彩係有1次遠射中門柱彈出, 其他組織均欠奉。而 葡萄牙 中後場既表現, 的確係令人唔放心, 中場防守唔太穩, 策動又冇乜, 簡單來講都唔知做乜。 後防表現就更加唔可以算一級, 最多二線中間, 所以隊波都係打個人戰為主。

今仗對住 魔鬼隊 北韓, 北韓 上仗 "神魔大戰" 2 : 1 不敵 「神級」巴西, 但表現及隊員球品都令人眼前一亮, 我仍然支持 魔鬼隊 北韓。

所以如果上仗對「神級」巴西 都係輸1球, 咁今仗對住攻守都唔係一級既 葡萄牙, 有望守和, 所以預測：0 : 0。

H組

智利 VS 瑞士 21/6 22:00

預測：智利 1 : 0 瑞士

智利 首仗在主力缺陣下少勝 洪都拉斯 1 : 0, 全隊表現尚算對板, 團體性打法令球迷對佢地留下不錯印象, 今仗有傳主力傷癒可以復出, 有能力全取3分。

瑞士 上仗 擊敗 西班牙 1 : 0, 全隊士氣大振。 今仗必然希望全取3分得到出線權, 但 瑞士 對南美球隊既小組入滲, 團體性打法 既 抵禦能力, 未能給予球迷太大信心。

智利 今場如果未能取勝, 下仗對 西班牙 就一定難打, 所以必定會全力搶攻, 希望全取3分穩奪出線權。 而 瑞士 高頭大馬既後防, 高Q大腳既踢法, 對住南美球隊一向冇運行, 所以預測：1 : 0。

H組

西班牙 VS 洪都拉斯 22/6 02:30

預測： 西班牙 2 : 0 洪都拉斯

正所謂 不勝無歸！ 

西班牙 今仗如果都重贏唔到, 我真係擔心佢地會無面目番家鄉見人, 所以唔洗多講, 西班牙 勝, 但唔會贏得多, 一球起兩球止。

洪都拉斯 當然都想打爭氣波, 但奈何對家 西班牙 要爭氣多過你, 爭氣對爭氣, 人地要爭果口氣真係大好多喔, 再贏唔到, 會死人架！