一個故事

從前，有一個紅蘿蔔小姐。佢係學校識左一個薯仔先生。

佢地同班兩年，由最初望都唔望對方(至少紅蘿蔔小姐無望薯仔先生)，到之後點下頭微一微笑，再之後有一兩次約出黎飲下野、玩下。

紅蘿蔔小姐慢慢感覺到薯仔先生鍾意自己。但係薯仔先生真係個樣好... 薯仔囉，同好dry囉！你都諗到，紅蘿蔔汁都有聽過啦，薯仔汁？！

好啦，好坦白講，係紅蘿蔔小姐嫌棄人地囉！

兩年過得好快，大家要畢業啦，各散東西。而紅蘿蔔小姐同薯仔先生都係例牌的一句："Keep In Touch!"

最初，佢地都有通下email架！不過話晒各人都有自己新既環境去適應，而且紅蘿蔔小姐有意無意隔開少少的表現，好快，二人就失去聯絡啦。

不過佢地一路都無忘記對方，一直都有記住對方，就係唔肯無端端打個email過去。

事隔兩年，係一個以前同學仔做主角的聚會上，紅蘿蔔小姐重遇薯仔先生！

其實一開始，紅蘿蔔小姐係唔認得薯仔先生架。係另一個朋友仔講下講下，紅蘿蔔小姐先知，原來眼前的水晶梨，係當年的薯仔先生！

哇！認真脫胎換骨啊！現在眼前的，是一個又Juicy又靚的水晶梨！即想dap左佢個隻樣！

紅蘿蔔小姐都覺自己當年大跌眼鏡。原來佢係水晶梨！之不過個陣呀「薯仔先生」外表認真薯嘜，又戴副咁既眼鏡... 好難想像眼前的水晶梨真係同一個人！

皆因二人一直都無忘記對方，可以話係話咁快撻返著。

之後通多幾個電話，玩多幾次MSN，就真係拍拖啦！

這不再只是妳的故事了。
又或者，我希望這只是妳的故事。
還是，我暗中希望這是我們共享的故事呢？