2009-02-15 12:19AM
/ 標準BLOG
【明報專訊】情人節是有情人的溫馨大日子，但愛情亦會帶來不同的情緒困擾。明愛向晴軒的愛情輔導熱線，統計去年4月至12月接到的500個求助電話，接近一半受分手困擾，其中三成更有自殘念頭或行為，亦有逾兩成單
How about the day after Valentine's? 1 week after Valentine's? 2 weeks? When will you stop counting away from Valentine's? or 1 day before Valentine's? 1 week before Valentine's?
It's now 364 days away from Valentine's, don't break up with your lover!
我來說兩句
2009-02-13 2:57AM
/ 標準BLOG
Emmy the Great.
I'd say this best represents her:
Yet my personal favourite is:
Frankly... She simply reminds me of Trees. That's all I have to say.
我來說兩句
2009-02-04 5:00AM
/ 標準BLOG
其實題目應訂為「公共坐廁個塊板的存在價值」。我想說的，是一般人在家中會坐在上面的那塊板。
問過身邊的朋友，十個用公廁的，有十五個都係「空氣椅」。大家都練成一身好武功，更試過茶餘飯後，以「邊套武功最好」為話題，傾左成粒鐘！
「空氣椅」緣自上乘武功的同一基本功 ----- 「紮馬」，同時又相傳緣自一位家長或老師想出來的「加料罰企」-----「無影凳」。真正源頭未知是哪個。
其實空氣椅真係好考功夫。要以「唔整污糟俾人坐個塊板」為大前題，但係要係設計俾人大概比九十度曲腳小少少 (即曲少d，似d企，又或者無咁似坐，總之係坐和企中間的一款動作) 的坐廁上，以「類似坐」的姿勢平衡身體，成功如廁。
寬敞的廁格還好。有些地方，廁格細到你行左入去，最好爬上個廁所水箱先，唔係關不到門；腳要分得很開，總之在「U型」廁所兩旁有小小位，剛剛攝雙腳入去，前面就肯定唔夠位你企 (或坐。其實這個設計，根本什麼姿勢都係如廁甚艱難，除褲時又除唔到，要著返條褲時仲唔知點好。著裙的會好少少)。
咁辛苦，不如去「蹲廁」(找不到個mou字) 啦！唔得，mou就真係成個人...... mou晒落去。總之mou廁就唔得啦！
明查暗訪下，發現大部人將坐廁同文明和先進畫上了等號，而mou廁就好「大陸」。先聲明這並非歧視。是那些捱過世界的，都認為係發左達的才會可以在家中裝個「英式坐廁」。所以覺得去廁所mou得越低，社會地位越低。而未捱過世界的，則家中至少一坐廁，出街做乜要mou呢？有張凳你「坐」，同要你「mou」，點會有凳唔坐呢？
回到「有凳唔坐要空氣椅」的課題上 (咪正正係有凳你坐你唔坐囉)。塊板好多細菌，唔掂衛生d；唔知上一手得手定失手，抹返乾都係好核突； (以下這個，自從空氣椅的普遍後，已經少之又少) 上一手都唔知係坐定企，隱約好似有對腳印...... 以上的小部分原因，都言之有理bor。係囉，唔空氣椅真係唔得wor！
好啦，即係點都應該空氣椅，咁塊板拆得啦！無左塊板，咪無左「之前坐定企」、「坐唔坐得過」的疑問囉。下？又唔得？係bor，拆左塊板，咁同mou廁有乜分別呢？
高d囉！咁不如將所有mou廁都升高晒，做到坐廁的高度咁，係咪perfect晒呢？
咦，有微弱的反對聲音：我去細就空氣椅，去大唔得架，要坐架；我其實唔係好識空氣椅，除非環境太惡劣，或者急到做唔切勞作，唔係我寧願自製勞作 ----- 紙廁板 ----- 圍住個窿鋪五十層廁紙......
講左咁耐，得出的結果是：坐廁個塊大家都怕怕的板，唔拆得。
似唔似政府個d成立個獨立調查小組，查左幾個月之後，向傳媒、大眾公佈調查結果。係報告上面，全部都係你係未見個獨立調查小組成立之前已經完全明解的事實。
即係如果有人示威時問候d高官「你仲係咪人黎架？」，高官定必冷靜回應那位市民：「對於剛才那位市民的提問，政府一定會給予大家一個滿意的答覆。而家我地成立一個獨立調查小組專責調查剛才的那個問題。」幾個月之後，個調查小組阿head就會係好多支咪後面讀份報告，證實高官一直都係人一個。
又回到「坐廁那塊板」的問題上 (我真是為了這個問題去寫這篇的)，我認為既然有唔少商場廁所都有幾格mou廁提供俾想用既人用 (其實mou廁真係好用過坐廁。皮膚一定掂唔到其他人的遺留物，個窿又大咁多，好難會失手。同埋mou廁得一種用法，就係mou，唔使係上一手出黎時用佢個外表估下佢頭先係入面點去......)，咁不如又整d無坐廁板的坐廁。甚至將之化作主流，有塊板的才是那種得幾格標明晒的。
把家中那套拿出來，不是永遠都會合適。我係屋企梗係坐啦，你估練腳骨力咩？不過出到去，真係坐唔落...... 尤其聽了大大小小不同類型的「失手秘聞」和大家的處理方法後，真係......
最後，回應返我這篇的主題。公共坐廁個塊板的存在價值？咪就係話你聽，那個不是遭人破壞到連廁板都偷走埋的廁所囉！(但就算係無左個塊板，你咪又係空氣椅咁去。你一定係超急啦！唔係急到忍唔到，你先唔會去公廁啦，忍到返屋企嘛！又咁長龍咁辛苦先排到一格...... 照去！唔識空氣椅都要硬住頭皮試下。試多幾次，你就識架啦！真功夫係要迫出黎架！)
for your interest:
我來說兩句
2009-01-23 8:18PM
/ 標準BLOG
令一個人認為另一個人同自己好夾，有三大原因：
一，物以類聚；
二，凹凸型；
三，實現不可能。
當中以一，即物以類聚，和二，凹凸型，為可建立不同情的基本。而三，即實現不可能，則一般，其實係百分百單方面的情感輸出。
(一)物以類聚
這種最常見的友情click，就是建基於「物以類聚」。
有時看別人的朋友群，嘩！真係做乜個個「大眼仔、長攣金啡髮」，又或者個個講野都係那款的「chinglish」。一眼就看得出，你地唔做friend，會違反自然定律之「物以纇聚」。
有很多人都不大明白自己。建議係：睇下你班friend啦！唔差得幾遠。尤其有多過一班friend的人，更易集齊各group的特點，成為自己的profile。
你又會問，物以類聚有幾真呀？咁就要先睇睇朋友的「作用」。
朋友，同自己癲，陪自己shopping，同自己去街，聽自己發牢騷...... 咁多「自己」既？係呀！朋友係由「自己」出發架。你自己鍾意既野，佢一樣都唔岩，佢得個d，你又全部都想敬而遠之，點朋友呀？
你又話，唔係呀，我鍾意聽classical concert，佢就punk rock，我地有時試試對方d興趣，都好難頂架！不過我地咪又係best friends！
咁請問，你地係咪都鍾意H&M呢？定係一樣鍾意追TVB d劇呢？
「物以類聚」，略懂maths logic的，都知sets係可以一次過overlap幾個圈架嘛！
你可以同時屬於幾個類別，然後每班朋友就係幫助你將你其一、其二類別無限放大、放大！
其實有時真係會發現自己既hidden profile trait架。我都想「物以類聚」係假，因為我認真分解過一班朋友，我地既共通點只有一樣，一樣我好唔想自己係既野......
(二)凹凸型
做夫妻最岩！
又睇睇愛情係做乜：有一個人，你愛到想同佢二合為一、共渡餘生。你想無限付出，你想互補不足，你想有過絕對信得過既人，為你解決一切私人又自己搞唔掂既難題。
你又話啦，有d夫妻真係餅印黎架bor，又鍾意行山，又直情好似朋友咁......
咪就係囉！朋友囉！拿，我無話佢地，只不過係唔同人對於伴侶既要求唔一樣。
有d人想有個同自己一齊放任、縱容自己，friend型夫妻，岩晒。
愛情的那種激情，往往卻令人沉醉當中。
總之呢，無論係為左下一代(即是genetics所信奉，越cross-breed、越heterozygous越好)，還是經觀察見身邊一對對夫妻，都係凹凸型最perfect夫到個妻。
朋友型的，我身邊都有好多對。放心，一樣細水長流，不過我總覺得他倆之間欠缺了些什麼，經歷少了，「運作」無咁暢順。唔係唔順，好順，夠順，之不過原來可以更加順。但二人同尋求朋友型，又覺得已找到所需，夠sweet了。
(三)實現不可能
單方面。
自己一心覺得會同佢好夾，又自己同自己講大家有d乜共通點，數到多到自己都唔信......
依一款，一定係你同佢一d都唔熟，甚至唔識！
偶像化佢；佢係心儀暗戀對象；你上司好有charm；佢係自己最鍾意既藝人。
你唔好咁盲目啦！佢名成利就，你平平無奇，你想有名有利，覺得自己同佢都「差唔多」，只係「唔同際遇」；你想高d，佢六尺八，由一個完全唔成立既共通點 --- 佢都著綠色襪 --- 開始，證明自己根本同佢一模一樣，係爭左d唔知乜，臨門一腳矮過佢。
你鍾意邊個明星呀？佢有乜野你係「欣賞」架？你淨係「欣賞」佢？你鍾意得佢唱歌好聽，你仲唔係「如果我把聲都咁靚就好啦」！
唔係？你咪俾d旱答案我啦！你鍾意個歌星，個個都話鍾意佢把聲，話佢唱歌好好聽......
你羨慕緊d你認為一世都唔會得到既野呀嘛！成大班人為你仆心仆命做野？周街見到自己？好似有好多朋友？有得做訪問？有得上電視？講一句，幾萬個fans響
應？拍電影？入studio？有贊助？俾d閃光燈係咁閃？開press con？會有人偷拍，人人對你既私生活好有興趣？ ......
又可以小事到有一次佢著左你最鍾意個牌子既一條褲，或者佢有比你多既公仔。
第一類的情侶、第二類的朋友、第三類的朋友，都存在的，但更為複雜，這篇就此一提算了。
跟住我岔開少少，講而家「玩親民」的明星，佢地唔再淨係靠「實現不可能」來吸引fans。佢地先行「物以類聚」，例如「佢都好鍾意hello
kitty架bor！」，搞到好似比「實現不可能」近dd。又好似「物以類聚」，但係你又明知自己其實係唔識佢架bor。你又會幻想自己「如果」識到
佢......
多謝晒d狗仔隊，搞到個個好似都識佢地咁，去邊度食飯、行步路，你都知呀！然後......「親民」囉，無私隱囉，個個都係「鍾意佢既朋友」囉。
然後，你生命裡面，有4款人(二和三的in-between可算為另一款)，幫你塑造自己；
然後，原來你又係其他人的4款人之中既一款；
你影響人，人影響你；
大家在一起成長嗎？社會在循環不息嗎？
完。
我來說兩句
2009-01-19 3:01AM
/ 標準BLOG
離去時的那天早上，腳上添了一度傷痕。
至今，結了「焦」，脫了「焦」，留下的是一度疤痕。
洗澡時、穿襪子時、脫襪子時，都總會看到那度疤痕。
那度疤痕，由始至終都是一個意外；意外所生出來的疤痕，卻像有意記下了那天早上……那天早上前的那個晚上。
每次看到它，像看到了她。
早上的一個短訊，擦出了一度疤痕。
疤痕在每天提醒我，我離去的原因。
疤痕又在每天提醒我，我回去的時間。
疤痕，總不能永遠留在我的腳上。
但它消失的一天，會是我迷失的一天嗎？她，會與它，一同消失嗎？
還是，就在我找到要回去的原因，回去的時間到了的時候，它便消失呢？
因為不再需要它了，因為回去了，因為時候到了；
因為她，已在我身邊；因為我，已回到她身邊了。
我來說兩句
