Dream dream dream...

我  噚晚/今朝  發了一個夢。夢中的主角除了我以外，還有一個陌生女仔...
究竟佢係邊個呢？

夢的內容我唔係完全記得晒，不過我知依個夢係好夢...

講起夢，我又黎啦：

夢有幾類：
Repetitive/Recurring Dreams;
Message/Psychic Dreams;
Predictive/Telepathic Dreams;
Lucid Dream;
Nightmares

我唔得閒摷d中文名啦，我簡單講講算。

Repetitive/Recurring，係咁「復發」個d。多數係有Message係裡邊既，一日你唔解決當中的問題，你一日都係發住佢架啦。「復發夢」通常係惡夢，不過其實可以唔係惡夢架！可以純粹係咁發一個「劇情」。
我最深刻係發過兩、三次依款夢。一，係我最出名的「仙人掌追殺」；二，係我睇完套變態殺手戲之後；其他唔記得lu。

Message/Psychic，就係好似「答案夢」。總之幫你解決d野，或者個腦講d野你聽。我好鍾意利用依款夢。你有d唔係好識解決的問題，要理性與感性之間選擇，就俾個腦自己揀！你可以臨訓前問問自己，之後成晚你左右腦就會OT幫你諗掂佢！同時依隻夢，發左通常唔記得，不過個答案就會有印象地留係腦海裡。
練多幾次就可以控制自如。同埋... 算係善用晒一日24個鐘啦！訓覺的5-10個鐘都用埋黎make decisions。

Predictive/Telepathic，即係「預知夢」。好難解得通，總之你發完之後，過唔知幾耐，現實生活中exactly經歷番同一樣野。有樣好野，係俾你經歷左一次先，到你真係係現實經歷時，你會特別警惕，而且做錯決定的機會大大減少。
依隻夢我發唔少，又成日發。我對依隻夢好感興趣，又疑惑，又鍾意，又愛又恨。

Lucid，即大家所講「日有所思，夜有所夢」，或我鍾意講的「你想發咪發囉！」的夢。你臨訓前係咁諗住諗住，你訓著就會發到架啦。又係視乎你有幾熟練，成日做，你慢慢會唔係淨係control到夢中出現的人，而係可以control埋劇情。仲可以control到自己起身時記得定唔記得個夢。
我好鍾意用依款夢... 用黎讀書！臨訓前讀，然後訓，一路訓，個腦幫你繼續溫，到第二日你起身去考試，好著數！唔使捱通宵，但又讀到bor... 正！

Nightmares，唔使解啦。

不過我仲有一種夢，想加一加：Telepathic Dreams，好多人都會覺得係生與死的人有交流的例子。
但我想話，兩個在生的人，都得！
我有同朋友試過，我地想約夢裡相見，個晚真係夢到對方！唔好咁快下結論係Lucid Dream，因為... 我地有對答、有交流，有傾到偈。仲要係第二日我地夾口供，就完全證明我地兩個係身處於同一個夢裡面！
Freaky? Coincidence? I say it's the telepathic power of our brains!

而我希望 噚晚/今朝 個夢係乜？Predictive+Telepathic啦。我想識佢呀。